Наташа Габер-Дамјановска реизбрана за директорка на академијата за судии

Досегашната директорка на Академијата за судии и јавни обвинители „Павел Шатев“, професорката и поранешна уставна судијка Наташа Габер-Дамјановска, денеска е реизбрана на функцијата.

Од деветмина членови ,таа доби 0сум гласа.Само претставничката на Министерството за правда беше воздржана.

Противкандидати и беа судијата за организиран криминал и корупција  Ненад Савески од Основниот кривичен суд Скопје и судијата од Граѓанскиот суд Скопје Андреј Димовски.

Габер-Дамјановска, Савески и Димовски исполнуваа услови за избор, додека отпадна судијката Емилија Шопар-Јованова, зашто ги немаше меѓународните признати сертификати за познавање на еден од најчесто користените јазици на Европската унија, кој беше битен услов во објавениот оглас.

Пред гласањето, обвинителката Фиданка Рајевска, член на Советот на јавни обвинители, ги испофали Габер-Дамјановска и Савески,но кажа дека ќе се определи за Габер-Дамјановска, поради досегашните заложби како директорка на Академијата и големиот придонес за успешно работење на институцијата.

Тешко е да се избере меѓу вака квалитетни кандидати – претседателот на Управниот одбор обвинителот Бодан Лазаревски.

За Димовски сите 9 гласа беа против, а пак Савески имаше 5 гласа против.

Директорскиот мандат во Академијата е 4 години.