Харадинај: Албанскиот јазик во Македонија е загарантиран со Устав, студентите бараат еднаквост

Лидерот на Алијансата за иднината на Косово, Рамуш Харадинај, го поддржа денешниот протест на албанските студенти во Македонија, кои, како што вели, бараат почитување на нивниот идентитет. Тој истакна дека нивниот глас го претставува секој Албанец и дека албанскиот јазик е автохтон јазик на таа земја, загарантиран со Уставот.

„Албанскиот јазик во Северна Македонија не е опција. Тоа е автохтон јазик, јазик на оваа земја, кој ниту кралевите ниту султаните не успеаја да го спречат. Тој преживеа генерација по генерација, во семејства, училишта, песни и жртви. Албанскиот јазик е загарантиран со Уставот и претставува неотуѓиво право на секој Албанец да зборува албански во својата земја, да учи на албански јазик, да пишува, да размислува и да дише на албански јазик без страв или компромис“, рече Харадинај.

Изразувајќи ја својата поддршка за најавениот протест, тој им порача на албанските студенти дека тие се гласот на секој Албанец кој одбива да молчи пред неправдата, пренесува „Газета Експрес“.

Изразувајќи ја својата поддршка за најавениот протест, тој им порача на албанските студенти дека тие се гласот на секој Албанец кој одбива да молчи пред неправдата, пренесува „Газета Експрес“.„Албанските студенти денес не бараат привилегии, туку достоинство, еднаквост и почитување на нивниот идентитет. Со срце, душа и гордост сум со вас утре, албански студенти во Северна Македонија. Вашиот глас е глас на секој Албанец кој одбива да молчи пред неправдата“, порачал Харадинај.