Со високи државни и воени почести започна официјалната посета на државава на бугарската делегација предводена од премиерот Кирил Петков.
Македонскиот премиер Димитар Ковачевски го пречека бугарскиот колега, придружуван од потпретседателот на Собранието, Горан Мисовски, вицепремиерот за европски прашања Бојан Маричиќ, министрите за надворешни работи и за транспорт и врски, Бујар Османи и Благој Бочварски, како и од членови на Канцеларијата на претседателот на Владата и на Министерството за надворешни работи.
Петков во Скопје е придружуван од Кристиан Вигенин, заменик-претседател на Народното Собрание на Република Бугарија и бугарските министри за надворешни работи и за транспорт и врски, Теодора Генчовска и Николај Сабев.
На аеродромот во Скопје владината делегација на Бугарија ја пречека од министерот за надворешни работи Бујар Османи.