Бујар Османи ќе биде кандидат на ДУИ за Претседател, објави денеска албанската опозиција.
„Кога веќе се дозна јавно дека кандидат на ДУИ за претседател на државата ќе биде Бујар Османи, би сакале да ја потсетиме јавноста, кој е всушност овој кандидат и колку заслужува да биде кандидат, а камоли избран претседател. Можеби некој и заборавил, но оние што ги следат настаните кај нас добро се сеќаваат на Бујар Османи како министер за здравство на Владата на Груевски, а негов единствен успех во тие години беше ‘најкорумпираниот албански министер досега“
Османи за Сител ниту потврди ниту демантираше дека ќе влезе во претседателската трка.
„Во партијата не сме разговарале на таа тема се уште, но јас немам видено поисплашени луѓе на една прес конференција за една таква идеја“ – се вели во кратката изјава на Османи за Сител.
Но можноста ДУИ да исфрли свој кандидат во претседателската трка, се чини најголем страв предизвикува на Бихаќка каде според анкетите, поддршката на интегративците ќе биде клучна ако партијата сака да направи добар резултат во првиот круг.
Свој кандидат најави и албанската опозиција која е подготвена ова место да му го отстапи на Таравари кој пак првично рече дека не е заинтересиран.
Во македонскиот блок Левица ја промовираше Билјана Ванковска за свој кандидат а ВМРО-ДПМНЕ и СДСМ тоа се очекува да го направат на почетокот на идниот месец. Уште пред крајот на минатата година, кандидатура најави и докторот Вело Марковски.
Според најавите, претседателските избори ќе бидат распишани идната среда. Првиот круг е закажан за 24 април, вториот, заедно со парламентарните на 8 мај.