Сцена

(Видео) Тренерот на Абердин: Ќе заработиме многу пари од продажбата на Миовски, ќе постигне 30 гола сезонава

Од Triling Mk 56

Новиот тренер на Абердин, Нил Ворнок вели дека клубот ќе заработи многу пари од продажбата на Бојан Миовски и очекува Македонецот да постигне 30 погодоци оваа сезона.

Бојан Миовски игра во страшна голгетерска форма и во само неколку дена ја тресеше мрежата на двата шкотски гиганти, прво погоди против Селтик во саботата, а синоќа и против Ренџерс.

Миовски до овој момент има 20 погодоци зад своето име, но новиот тренер на Абердин, Нил Ворнок смета дека напаѓачот лесно ќе стигне и до 30 погодоци.

„Мило ми е што никој не го купи во зимскиот преоден рок“ – вели Ворнок во разговор со Скај Спортс.

„Абердин ќе заработи многу пари од продажбата на Миовски – ќе постигне 30 гола оваа сезона. Му го кажав ова, му кажав дека лесно ќе постигне уште 10 погодоци бидејќи ќе креираме гол прилики за него. Со тек на време подобро ќе се познаваме, момците ќе знаат во кој правец се движиме и тој ќе има повеќе шанси“ вели тренерот.