Новак Ѓоковиќ е поразен во полуфиналето на Австралија Опен.
Српскиот тенисер пристигна на првиот сезонски Грен слем турнир со цел да ги зголеми рекордните бројки на победнички Грен слем турнири (има 24) и Австралија опен (има 10), но беше запрен пред финалето.
Подобар од најдобриот во светот беше четвртиот носител Италијанецот Јаник Синер со 6:1, 6:2, 6:7(6), 6:3.
Ова беше вкупно седми меч меѓу овие двајца тенисери, а Синер намали на 3:4.
Во финалето, 22-годишниот Синер ќе игра против победникот на второто полуфинале, во кое се среќаваат Данил Медведев и Александер Зверев.
Ѓоковиќ влезе во сезоната со амбиција првпат да освои „златен слем“, односно сите четири гренд слем титули во една календарска година, но се сопна уште на првата пречка.