Поранешниот американски претседател, Доналд Трамп, ја обжали одлуката во американската сојузна држава Мејн која го спречува да учествува на претседателските избори.
Североисточната држава соопшти дека Трамп е дисквалификуван од трката за претседател поради неговиот удел поврзан со упадот во американскиот Капитол на 6 јануари 2021 година.
Трамп се соочува со ист предизвик и во Колорадо.
Неговото учество на изборите останува под знак прашалник. Според сите анкети неговиот рејтинг постојано расте, додека на Бајден е понизок од кога било досега.