Македонија и Албанија имаат најскапа струја во регионот

Семејствата во Албанија и во Македонија плаќаат повеќе за енергијата што ја трошат во споредба со другите земји во регионот, покажуваат податоците објавени од Евростат.

Според Евростат, во првата половина на 2023 година, еден киловат-час енергија во Албанија чинел 0,101 евро (или 10,1 евра за 100 kВч), додека во Македонија е нешто поскапа и изнесува 0,105 евра за kВч. (10,5 евра за 100 kВч). Косовските семејства имаат најевтин енергенс во Европа, по цена од 0,067 евра за киловат-час, објави Евростат. Следуваат Турција (0,084), Босна и Херцеговина (0,087), Србија (0,096) и Црна Гора (0,096). Просекот на Европската Унија е речиси трипати поскап од регионот, со 0,289 евра за kВч. Според Евростат, по значителното зголемување што започна пред руската инвазија на Украина, но вртоглаво порасна во втората половина на 2022 година, цените на струјата и гасот се стабилизираат. Цените на енергијата пораснаа поради зголемената цена на природниот гас, кој се смета за дополнителен извор на гориво, пренесува „Монитор“.

Ова се случи бидејќи увозот од Русија се намали, а се бараа алтернативни извори за снабдување. Пазарот на енергија се вреднува врз основа на трошоците за дополнително гориво, што значи дека цената на природниот гас влијае врз пазарните цени на електричната енергија. Земјите воспоставија механизми за намалување на притисокот врз потрошувачите, а еден од нив беа субвенциите.

Во првата половина на 2023 година, просечните цени на електричната енергија за резиденцијалните потрошувачи во ЕУ продолжија да растат во споредба со истиот период во 2022 година, од 25,3 евра за 100 kВч на 28,9 евра за 100 kВч. Просечните цени на бензинот исто така се зголемени во однос на истиот период во 2022 година, од 8,6 евра за 100 kВч на 11,9 евра за 100 kВч во првата половина на 2023 година. Овие цени се највисоките забележани од Евростат.

Евростат забележува и дека земјите делумно ги повлекоа мерките за поддршка. Како резултат на тоа, крајните цени за резиденцијалните клиенти, вклучувајќи ги даноците, се малку повисоки отколку во референтниот период. Споредено со првата половина од 2022 година, во првата половина на 2023 година, учеството на даноците на сметките за електрична енергија е намалено од 23 на 19 отсто (-4 отсто) и на сметките за гас од 27 на 19 отсто (-8 отсто), каде што сите земји имаа владини субвенции или намалени даноци за да се ублажат високите трошоци за енергија.

Податоците, исто така, покажуваат дека цените на електричната енергија за домаќинствата се зголемени во 22 земји на ЕУ во првата половина на 2023 година во споредба со првата половина на 2022 година.