Во погонот на осиечката компанија „Драва интернационал“ во близина на приградската населба Бријест во Хрватска, по полноќ имало пожар на складирана пластика на отворен простор, кој професионални и доброволни противпожарни бригади се обидуваат да го локализираат, соопштија од градскиот штаб на Осиек, извести за цивилна заштита.
Началникот на кабинетот, помошник градоначалник на Осиек, Драган Вулин изјави дека пожарот се уште не е ставен под контрола, а во гаснењето на пожарот покрај Јавната противпожарна станица Осиек се ангажирани и сите доброволни противпожарни единици од градското подрачје.
Тој посочува дека дојавата за пожарот е добиена 40-тина минути по полноќ, дека пожарот се уште не е локализиран, но дека на терен се сите расположливи противпожарни сили, како и багери од градските претпријатија, со цел да се создаде коридор и да спречи ширење на пожарот.
Засега нема мерења, но со оглед на огромните количества чад и гасови, се повикуваат граѓаните да ги затворат прозорците и да не излегуваат надвор поради можното штетно дејство на гасовите поради согорувањето на пластиката, рече Вулин.
Тој напоменува дека пожарот опфатил пластична депонија на отворено, чија површина се проценува на неколку илјади квадратни метри и дека висината на складираните пластични бали е околу пет метри, па предупредувањето до граѓаните за можното штетно дејство на гасови е во сила до понатамошно известување.