Бипатрик групатаво Конгресот подготвува нацрт на американски санкции кои ќе бидат насочени кон водечките унгарски политички фигури поврзани со владата на Орбан.
Санкциите главно ќе опфатат поранешни функционери и владини поддржувачи, главно поврзани со партијата Фидес на премиерот Виктор Орбан. Законот се работи од минатата година и се очекува да биде претставен во Конгресот следниот месец, каде што најверојатно ќе добие широка поддршка, велат официјални лица запознаени со процесот на изготвување. Нацрт-законот за санкции се подготвува во услови на постојано влошување на односите меѓу Вашингтон и Будимпешта, пишува Гардијан.
Унгарија објави дека ја напушта Меѓународната инвестициска банка Орбан беше близок политички сојузник на Доналд Трамп, а Фидес одржува силни врски со тврдокорните американски конзервативци. Документи на Пентагон засновани на разузнавање беа обелоденети оваа недела во кои Орбан ги опиша САД како еден од неговите три најголеми непријатели.
Унгарија вчера соопшти дека планира да ја напушти Меѓународната инвестициска банка (IIB) контролирана од Русија, само еден ден откако САД воведоа санкции за институцијата со седиште во Будимпешта, која во Европа е опишана како „тројански коњ“ на Москва. Американците воведоа санкции и за тројца високи функционери на ИИБ, Русите Николај Косова и Георги Потапов и Унгарецот Имре Ласлочка. Објавувајќи ја одлуката да ги повлече своите претставници од банката, Унгарија изрази фрустрација од притисокот од САД.
– Ние прифаќаме и разбираме дека застапуваме различни позиции, но не разбираме зошто има потреба да се врши притисок врз другите земји да се сменат (позицијата). Унгарија е земја, затоа треба да се третира како таква, а не како колонија – изјави министерот за надворешни работи Петер Сијарто на прес-конференција.
Ова не е првпат Американците да воведуваат санкции за поединци блиски до Орбан.
Во 2014 година, Вашингтон им забрани на голем број унгарски службеници да влезат во земјата, вклучувајќи го и шефот на националната даночна служба, поради сомневање за корупција.