Светската куќа на фудбалот – ФИФА ги потврди промените кои ќе се случат на следното Светско првенство.
Од 2026 година на фудбалскиот мундијал ќе учествуваат 48 репрезентации, наместо досегашните 32.
Во прво коло ќе има 12 групи со по четири селекции, а потоа сите прво и второпласирани селекции и осумте најдобро третопласирани од групата ќе напредуваат во следна фаза. Тоа значи дека за 39 дена ќе се одиграат 104 натпревари.
ФИФА ќе добие уште 40 натпревари во овој тип на натпреварување.
Од дополнителните 16 репрезентации на фудбалскиот Мундијал, три места треба да добијат азиските репрезентации, четири африкански, две северноамерикански, две јужноамерикански, три европски и едно од Океанија.
Последниот учесник ќе биде одреден со интерконтинентална ждрепка. Европските квалификации ќе започнат во март 2025 година и ќе траат една година.
Светското првенство во 2026 година ќе биде првото во историјата организирано од три домаќини – САД, Мексико и Канада.