Руските власти со намера да распоредат музичари на првите линии на фронтот во Украина. Оваа иницијатива е со цел да го подигнат моралот на војниците.
Министерството за одбрана на Русија најави формирање на „првата уметничка бригада“.Во неа ќе бидат вклучени пејачи и музичари.
Рускиот министер за одбрана Сергеј Шојгу ги посети војниците на фронтот во Украина, соопшти владата.
Би-Би-Си пак не може да потврди кога Шојгу ги посетил војниците и дали бил на фронтот во Украина.
Британците велат дека новата уметничка бригада има историски корени, бидејќи во минатото воената музика и организираната забава служеле за подигање на моралот на војниците на боиштата. Така направија Американците за време на Виетнамската војна, на пример.
Британците се прашуваат дали новата руска бригада навистина ќе го одвлече вниманието на војниците, кои првенствено се загрижени поради „многу високите стапки на жртви, лошото раководство на фронтот, проблемите со платите, недостигот на опрема и муниција и нејасните цели на војната“.
Според руското гласило РБЦ Њуз, бригадата ќе ја сочинуваат војници мобилизирани за време на неодамнешната регрутација, како и „професионални уметници кои доброволно се приклучиле на воената служба“.
Задачата на новата единица е да одржува „висока морална, политичка и психолошка состојба [меѓу] учесниците во специјалната воена операција“, се вели во соопштението на Министерството за одбрана.
Додека се прават подготовки за испраќање уметничка единица во Украина, продолжуваат жестоките борби, особено околу градот Бахмут во источен Донбас, соопшти украинскиот Генералштаб.
Западни разузнавачки извори тврдат дека руските напади врз градот ги предводи групата Вагнер, составена од платеници.
Москва се надева дека освојувањето на овој град ќе овозможи полесен продор кон Краматорск и Славјанск.