Британскиот амбасадор во земјава, Метју Лосон доби сертификат за положен испит по македонски јазик, ниво Ц1. Тој се пофали на социјалните мрежи велејќи дека му претставува чест и задоволство да го учи македонскиот јазик.
„Многу сум среќен што положив испит по македонски јазик, Ц1. Ова е доказ од Министерството. Негувајте ги вашите јазик и вашата култура“ – вели Лосон во видеопорака зборувајќи на македонски јазик.
🇲🇰Одличен почеток на неделата со сертификат за положен испит по македонски јазик. Ми претставува чест и задоволство што го учам овој прекрасен јазик. pic.twitter.com/EWG2VOjIAE
— MatthewLawsonUK (@MatthewLawsonUK) October 17, 2022
Новиот британски амбасадор со видео порака на македонски јазик неодамна го честиташе 11 Октомври – Денот на народното востание.