Британскиот премиер во заминување, Борис Џонсон рече дека следните месеци ќе бидат тешки за жителите и дека сметките за струја ќе бидат неверојатни.
„Следните неколку месеци ќе бидат тешки, многу тешки. Нашите сметки за енергија ќе бидат неверојатни. За многумина од нас сметките за парно се веќе страшни“ напиша тој во статија за „Дејли Мејл“.
Според политичарот, почетокот на руската воена операција во Украина ги „плаши енергетските пазари“. Во исто време, Џонсон е сигурен дека „украинскиот народ ќе победи во ова сурово ракување“, како и Велика Британија, која, според него, ќе излезе посилна од кризата.
Тој вети и дека неговиот наследник ќе објави нови мерки за финансиска поддршка за своите сограѓани.
Борис Џонсон, кој ја замени Тереза Меј како премиер во 2019 година, на 7 јули годинава објави дека се повлекува од функцијата премиер и лидер на Конзервативната партија.
Новиот лидер на парламентарната фракција ќе биде објавен по внатрешно гласање.