Тригодишно момче во американската сојузна држава Флорида случајно се застрелало со огнено оружје, по што починало, јавува NBC News.
Оружјето не било заклучено, а полицијата не прецизирала за каков тип на огнено оружје се работи.
Се се случило во средата попладне. Прелиминарната истрага утврдила дека детето, кое не е идентификувано, си играло со огнено оружје кога тоа пукнало и го повредило. Детето починало во болница.
На се’ сведочеле уште двајца малолетници, велат од полицијата.
Детективот Џон Пандак изјавил за локалната станица WGFL дека во домот имало возрасно лице, но тоа не е родител на детето.
Родителите на момчето не биле присутни во куќата кога се случило пукањето.