На скараџискиот фестивал „Роштилијада“ во Лесковац, во Србија, е направена плескавица тешка 67 килограми и 200 грама.
Со тоа е поставен нов рекорд за најголема плескавица во светот, што е за 200 грама повеќе од рекордот минатата година.
Дијаметарот на плескавицата по печењето бил 171 сантиметар, а дебелината 2,4 сантиметар.
Скараџиите кои се новите рекордери се Предраг Лазаревиќ, Ивица Здравковиќ, Љубиша Ѓорѓевиќ и Драган Цветковиќ од ресторанот „Колиба“ во Лесковац.
Оваа екипа шести пат по ред поставува ваков рекорд на „Роштилијадата“.
