Досегашната директорка на Државниот санитарен и здравствен инспекторат, д-р Иринка Бухова останува и понатаму да го води Државниот санитарен и здравствен инспекторат.
Владата нa вчерашната седница имаше предвидено точка на дневен ред разрешување на д-р Ирина Бухова од директор и назначување на нов директор на Државниот санитарен и здравствен инспекторат. Но, точката била повлечена од предлагачот – премиерот Димитар Ковачески.
Нема официјални информации зошто оваа точка не се најде на дневниот ред иако е дискутирана на кадровската комисија при Владата.
Мандатот на Сотирова-Бухова истече пред четири месеци, односно во април, кога според извори во Владата најавила дека не сака повеќе да ја извршува функцијата, како и дека нема да се јави на новиот конкурс.