Петмина убиени, 19 повредени во напад со дрон врз украинскиот град Никопол

Најмалку пет лица се убиени, а 19 повредени, вклучувајќи и 14-годишно девојче, во напад со дрон на руските сили врз украинскиот град Никопол, објави денеска началникот на Дњепропетровската област, Олександр Ханжа.

„Пет лица се убиени, 19 се повредени во нападот врз Никопол. Непријателот изврши удар со дрон. Пет лица, три жени и двајца мажи, се убиени“, рече Ханжа.

Според него, меѓу повредените е и 14-годишно девојче, кое е хоспитализирано, а лекарите ја оценуваат нејзината состојба како сериозна.

Во нападот избувнал пожар, додека биле оштетени трговски павилјони и продавница.

Како што претходно беше објавено, во текот на ноќта биле извршени напади врз Дњепропетровската област повеќе од 20 пати, при што биле повредени три лица, од кои две биле деца.