Жителите на населбата Ано Вула во јужниот дел на Атина се евакуираат, поради големпожар што попладнево избувна во подножјето на планината. Огнените јазици, според информациите од медиумите, многу брзо се прошириле кон друга населба, а стигнале и до дел од домовите.
Неофицијално, пожарот зафатил една од куќите, па претставници на противпожарната служба и полицијата од куќа до куќа одат со предупредување и апел граѓаните да ги напуштат своите домови.
Досега во борбата со пожарот се ангажирани 72 пожарникари со три пешадиски тима, 20 возила, а повремено интервенираат и 6 авиони и 3 хеликоптери.
Силниот ветер ја отежнува работата на пожарникарите.