Андриј Шевченко – легендата на украинскиот фудбал со свој коментар за шансите на Украина во вечерашниот бараж за пласман на Светското првенство. Украинците во Глазгов играат против Шкотска, а победникот од овој дуел билетот за Мундијалот во Катар ќе треба да го завери со победа против Велс.
„Натпреварот против Шкотска е надеж за целата наша земја. Одењето на Светското првенство сега е многу важно за Украина. Мотивацијата е неверојатна. Според мене, треба да го оставиме резултатот на страна и да се фокусираме само на теренот. Мора да играме за навивачите, за цела Украина, за оние дома, за оние кои ја бранат земјата и за оние кои ја напуштија земјата. Верувам дека можеме да ја победиме Шкотска, а потоа и Велс и ќе се пласираме на Светското првенство. Играчите знаат што да прават“ – рече поранешниот голгетер и екс-селектор на националниот тим.