Опозициската СДСМ смета дека поставувањето на Бојан Христовски за директор на Агенцијата за национална безбедност е незаконско затоа што тој, како што велат, не ги исполнува условите кои токму законите ги предвидуваат.
„Христовски нема меѓународно признаен сертификат за познавање англиски јазик туку се користел со фалсификуван документ што претставува прекршување на Законот и кривично дело кое повлекува одговорност“, обвинуваат од СДСМ.
Партијата го повикува Јавното обвинителство да отвори постапка соодветно на своите надлежности.
„Наместо веднаш да го разреши Мицкоски по секоја цена го брани ова незаконско поставување. Владата на Мицкоски и ДПМНЕ покажува дека за неа не постои ниту право ниту правна држава.
-Го повикуваме Јавното обвинителство да отвори постапка соодветно на своите надлежности. Повикуваме на транспарентна исграта која точно и непристрасно ќе утврди кој го овозможил ова и кој е одговорен за скандалот.
-Христовски не ги исполнува условите и треба да поднесе оставка од функцијата директор на АНБ а потоа да се утврди и одговорност за прекршувањето на законот.
-Ова е еден од најсериозните скандали кои го поткопуваат безбедносниот систем во нашата земја и мора целосно да биде расчистен, се вели во соопштението од СДСМ.