Македонските фудбалски репрезентативци претпладнево на комплексот на ФФМ во Скопје зад затворени врати го одржаа последниот тренинг пред заминувањето за Порто и пресметката против Португалија во финалето од мундијалскиот бараж ќе ја има Португалија.
Македонската репрезентација за натпреварот против Португалија ќе биде посилна за тандемот Елиф Елмас – Тихомир Костадинов, додека во редовите на домаќините се враќаат дефанзивците Жоао Кансело и Пепе.
Финалето во Порто ќе се одигра во вторник од 20:45 часот на стадионот „Драгао“ со капацитет од 50.000 седишта.
Португалската фудбалска федерација соопшти вчера дека сите билети се продадени.
По триумфот над Италија во четвртокот во Палермо, репрезентацијата на Португалија, предводена од Кристијано Роналдо, е последната пречка пред македонските фудбалери за дебитантски настап на Светското првенство, кое од 21 ноември до 18 декември ќе се одржи во Катар.
