„Актуелната влада на СДСМ и Димитар Ковачевски своите фрустрации ги искажува на ВМРО-ДПМНЕ за сите порази кои што ги добива внатре и надвор од државата. Проблемот е што оваа власт ваква каква што е сето она што внатре во државата и во регионалната балканска политика го добива како порази и автоголови, сите тие фрустрации ги искажува на ВМРО-ДПМНЕ и на луѓето кои што имаат македонски позиции, луѓето кои што треба да им се сојузници во одбрана на македонските позиции, тоа е проблемот“. Ова денеска на Канал 5 тв го рече членот на ИК на ВМРО-ДПМНЕ – Влатко Ѓорчев.
„Недоверба која што ја има македонскиот народ кон оваа влада и мнозинството на граѓани во државата ја компензираат со слабеењето на нашите позиции секаде и внатре и надвор“ – истакна Ѓорчев.
Тој смета дека заевистичките политики кои што ги спроведува СДСМ, како и изјавата на Заев дека Македонија и Бугарија се две држави со еден народ, директно ги нарушува македонските позиции.
„Со оваа заевистичка политика, со овие политики на Зоран Заев кои што се уште живеат во СДСМ, и од кои што СДСМ не се дистанцира туку напротив ги продолжува, со изјавите на Зоран Заев дека има две држави а еден народ, се нарушуваат македонските позиции“ – порача Ѓорчев.
Според него, кога била ВМРО-ДПМНЕ на власт имало вето само од Република Грција, за разлика сега кога има забелешки за корупција и немање на реформи од страна на Франција, Белгија, Данска, како и ветото од Република Бугарија.
Во однос на отворање на Уставот за впишување на Бугарите како бугарска заедничка, Ѓорчев порача дека Уставот не е пиши бриши тетратка за да се менува секоја година, нагласувајќи дека доколку се бара такво нешто тогаш мора да се има реципроцитет.
„Уставот не е тетратка кој што треба да биде пиши-бриши и кој што треба да го менуваме секоја година. За жал политиката на неразбраните трговци македонскиот устав стана една жалотека која што секој ја менува како сака. Значи ако имаме реципроцитет мора да се оди Устав за Устав“ – додаде Ѓорчев.