Министерот за одбрана на Русија, Сергеј Шојгу нареди денеска што поскоро да се обезбеди поголемо количество оружје за воената операција во Украина.
„За да се задржи темпото на офанзивата и да се зголеми составот на воените групи, неопходно е да се зголеми обемот и квалитетот на испорачаното оружје“, рече Шојгу, соопшти руското Министерство за одбрана.
Како што е соопштено, за време на состанокот, рускиот министер за одбрана истакнал дека групите војници продолжуваат да ги извршуваат задачите на оперативните линии во согласност со планот за специјална воена операција и укажал на потребата од дополнително зголемување на набавката на оружје, воена опрема и оружје, пренесува РИА Новости.
Тој рече дека со оваа цел се склучени државни договори со индустриските претпријатија, имајќи го предвид нивниот целосен капацитет и максималното намалување на времето на производство на оружје и воена опрема.