Техеран испрати порака до Трамп: Или ќе победиме или ќе станеме маченици!

Заменик-министерот за надворешни работи на Иран, Казем Гарибабади, отфрли секаква идеја за предавање, велејќи дека Исламската Република Иран е обединета и решително подготвена да се соочи со секаква воена агресија.

„САД велат дека „привремено“ ги суспендирале нападите врз Иран за да им дадат шанса на преговорите, но во исто време зборуваат за подготвеност за масовна офанзива во секој момент. Ова значи да се нарече „закана“ за мировна можност“, рече Гарибабади, осврнувајќи се на неодамнешните изјави на американскиот претседател Доналд Трамп за привремено прекин на огнот, објави PressTV.

Тој потсети дека Иран е обединет и подготвен да се соочи со секаква воена агресија.

„За нас, предавањето нема значење. Или ќе победиме или ќе станеме маченици“, додаде тој.