Дизелот „отиде“ на 101,5 денари за литар
Поскапувањето е за 3,5 денари, бензините имаат повисока цена за 1,5 денари. Ова е највисока цена на дизелот уште од 20 октомври 2022 година, кога чинеше 103 денари
Дизел горивото од утре ќе чини 101,5 денари за литар, што е за 3,50 денари повеќе од цената која што важи до полноќ вечерва, според најновата одлука на Регулаторната комисија за енергетика објавена пред малку. Од полноќ, нови пови цени ќе имаат и бензините, кои поскапуваат за 1,50 денари за литар. Така, бензинот од 95 октани ќе чини 93 денари, а од 98 октани ќе чини 95 денари за литар.
Во соопштението од РКЕ се вели дека зголемувањето на малопродажните цени на нафтените деривати изнесува во просек 2,62 отсто во однос на одлуката од 17.8.2026 година.
Референтните цени на нафтените деривати на светскиот пазар во споредба со претходната пресметка бележат зголемување и тоа во просек: кај бензините за 3,795%, кај дизелот за 4,842%, кај екстра лесното масло за 3,958% и кај мазутот зголемувањето е за 6,467%, образложуваат од РКЕ.
Курсот на денарот во однос на доларот во изминатиот период по кој беа формирани цените со претходната пресметка е понизок за 0,5340%.
Од 25.8.2026 година од 00:01 часот максималните цени на нафтените деривати ќе изнесуваат:
Моторен бензин ЕУРОСУПЕР БС – 95 93,00 (денари/литар)
Моторен бензин ЕУРОСУПЕР БС – 98 95,00 (денари/литар)
Дизел гориво ЕУРОДИЗЕЛ БС (Д-Е V) 101,50 (денари/литар)
Масло за горење Екстра лесно 1 (ЕЛ-1) 100,50 (денари/литар)
Мазут М-1 НС 45,576 (денари/килограм)
Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 1,50 ден/лит.
Малопродажната цена на ЕУРОДИЗЕЛ (Д-Е V) се зголемува за 3,50 ден/лит.
Малопродажната цена на Екстра лесното масло за домаќинство (ЕЛ-1) се зголемува за 2,00 ден/лит.
Малопродажната цена на Мазутот М-1 НС се зголемува за 1,850 ден/кг. и сега ќе изнесува 45,576 ден/кг.
Напоменуваме дека ова се максималните цени на нафтените деривати од 00:01 часот на 25.8.2026 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени, се вели во информацијата од РКЕ.
Инаку, ова е највисока цена на дизелот уште од 20 октомври 2022 година, кога чинеше 103 денари за литар, според податоците од сајтот „Гориво.мк“. Слично е со бензинот, на 1 ноември 2022 година чинел 94 денари за литар. Највисоки цени дериватите имале на 24 јуни 20212 година, кога за литар гориво (дизел или бензин) требало да се плати по 110 денари.