Хрватскиот селектор Златко Далиќ после новиот историски успех со трето полуфинале во историјата после тие во 1998 (бронза) и 2018 година (сребро) посочи дека победата против најтрофејната нација Бразил вечерва во четвртфиналето е победа за хрватскиот народ.
Хрватска е непобедлива во пенал-рулет, па ја продолжи серијата започната уште во Русија со триумфите против Данска и Рисија, а продолжена сега против Јапонија и Бразил.
Хрватска има само еден пораз на Светските првенства во 12 меча и тоа финалниот со Франција пред четири ипол години.
„Ова е победа за хрватскиот народ. Секоја чест на дечките. Го исфрливме најголемиот фаворит. Ова е Хрватска. Никогаш не не потценувајте, јас го реков тоа. Ова не е наш крај, одиме понатаму. Ова е победа на Хрватска во која сите дадоа свој максимум. Уживајте хрватски бранители, ова беше и за вас. Ние не сме нормални!“ – рече Далиќ.