
Генерал Еирик Кристоферсен вели дека за речиси една година конфликт во Украина, убиени и повредени се речиси 180.000 руски војници, додека загубите на украинска страна изнесуваат околу 100.000 луѓе.
– Украинските загуби се веројатно повеќе од 100.000 загинати и повредени. Покрај тоа, Украина има околу 30.000 загинати цивили во таа страшна војна – наведе Кристоферсен.
Тој додаде дека и покрај големите загуби, Русија е способна да ја продолжи војната бидејќи Москва има капацитети за мобилизација и производство на оружје.
– Најзагрижувачка работа е дали Украина ќе може да ги задржи руските воздухопловни сили надвор од војната, бидејќи досега сите ги држеше настрана благодарение на нејзината противвоздушна одбрана – наведе Кристоферсен.
Во руските напади во изминатите месеци најмногу се користеа проектили со голем дострел.
Во исто време, норвешкиот генерал повика што поскоро да се испратат борбени тенкови во Украина.