Во Србија е пронајдено тело во буре: „Некој се обидел да го запали“

Во Србија, во близина на Инѓија, во буре е пронајдено тело на непознато лице, а телевизијата „Нова“ неофицијално дознава дека може да станува збор за Александар Нешовиќ Баја, кој исчезна пред девет дена по пукање во ресторан во белградски Сењак.

Следат проверки и анализи за да се утврди точниот идентитет на пронајденото лице. „Курир“ неофицијално дознава дека во бурето се пронајдени траги што укажуваат дека некој се обидел да го запали телото.

Потрагата по телото на Александар Нешовиќ Баја, за кој се сомнева дека е убиен во ресторанот „27“ во Сењак, трае веќе девет дена.

За ова убиство се уапсени десет лица, а меѓу нив бил и Веселин Милиќ, началник на Полициската управа на градот Белград, кој бил отпуштен од функцијата истиот ден.

Голем број полицајци и припадници на жандармеријата учествуваа во потрагата по телото на Нешовиќ, а пред неколку дена се придружија и единици на српската армија. Пребарувањето беше фокусирано на областа околу Јарковачкото езеро, недалеку од Инѓија.

Се сомнева дека Саша Вуковиќ Бошке е лицето кое го застрела Нешовиќ пред полицајците во ресторан, чие тело потоа беше однесено на непозната локација.

извор: Индекс.хр