Битиќи: Граѓаните можат да се мирни, имаат држава која се грижи и тоа го докажавме и покажавме

Фатмир Битиќи на Фејсбук објави дека домаќинствата од први јануари, годинава, нема да имаат покачување на сметките за струја, односно оние кои разумно и штедливо ја трошат струјата. Како што напиша Битиќи тоа во последниве месеци, особено се покажало дека тоа се, како што напиша вицепремиерот, „скоро сите наши граѓани, над 99%, и се во рамки на првиот и вториот блок на потрошувачка на електрична енергија, ќе имаат или мало намалување или незначително зголемување на сметки за струја“.

„Сакам да се заблагодарам на сите сограѓани кои разумно и одговорно ги користеа ресурсите во оваа криза како и на сите вработени во производствените капацитети за електрична енергија. По неколку месеци справување со оваа криза мислам дека можеме да кажеме дека се справуваме успешно“, истакна Битиќи и наброја:

– Секое семејство беше субвенционирано со околу 20.000 денари претходната година за сметки за струја

– Од 1ви јануари нема да има покачување на цената на струјата, иако ќе го вратиме назад 10% износот на ДДВ-то

– Обезбеден е гас за затоплување на домовите со топлинска енергија

–Сите домашни производствени капацитети работат со полн капацитет и произведуваме доволно енергија од домашни капацитети

– Се рестартира третиот блок на Рек Битола

– Забрзано се инвестира во обновливи извори на енергијаГраѓаните можат да се мирни, имаат држава која се грижи и тоа го докажавме и покажавме.Само така е правилно и така и ќе продолжиме.