По повод првата годишнина од руската инвазија на Украина, говореше и претседателот на Соединетите Американски Држави, Џозеф Бајден.
Тој на својот Твитер профил напиша дека пред една година рускиот претседател Владимир Путин мислел дека брзо ќе го освои Киев.
„Потоа насекаде ја сретна храброста на Украина и железната волја на народот“, продолжи твитот.
Да потсетиме, на 24 февруари 2022 година, Руската Федерација ја нападна соседна Украина. Загинатите и ранетите се неколку стотици илјади, додека бројот на раселените Руси и Украинци е многу поголем.
Западните земји и САД воведоа санкции кон Русија и обезбедија воена, хуманитарна и материјална помош за Украина.
One year ago, President Putin thought he would swiftly take Kyiv.
Then he met the bravery of Ukraine and the iron will of nations everywhere.
— President Biden (@POTUS) February 23, 2023