Тројца од повредените македонски патници во автобуската несреќа во Бугарија која се случи минатиот вторник денеска ќе бидат пренесени во земјава, а двајца од повредените во саботата беа хоспитализирани во Клинички Центар „Мајка Тереза” во Скопје.
Министерот за здравство, Венко Филипче тогаш информираше дека и двајцата пациенти се стабилни, со полесни повреди и ќе бидат задржани на лекување на Клиниката за пластична хирургија.
Хоспитализираните пациенти во Скопје се пациентка на 17 годишна возраст и пациент на 49 годишна возраст, повредени во автобуската несреќа Бугарија.
За петмината пациенти кои се уште се во болницата „Пирогов“ во Софија Филипче рече дека се во стабилна состојба, со полесни повреди, освен едниот пациент кој имал два хируршки зафати, еден поради скршеница на потколеницата и друг поради скршеница на два пршлени.