Вкупно 237.832 граѓани или 13.66% гласале за парламентарните избори до 11 часот од обработени 95.92% од избирачките места, според податоците на веб-страницата на Државната изборна комисија (ДИК).
Најголема излезност има во третата изборна единица, односно 17.59%, по што следува четвртата изборна единица со 15.34%, првата изборна единица со 14.82%, втората изборна единица со 13.31%, петтата со 13.22%, додека најмала излезност има во шестата изборна единица 8.59%.
Во меѓувреме, излезноста до 11 часот на претседателските избори, според 95.47% од обработени избирачки места, е нешто помала, односно 12.53%. Досега, на претседателските избори гласале 221.070 гласачи, според податоците на веб-страницата на ДИК за следење на резултатите во живо.
Најголема излезност има во Крива Паланка каде гласале 4.618 лица, односно 27.99%. Во апсолутни бројки пак, најмногу гласале во Битола, односно 13.151 гласачи – 17.42%.
Најмал број на гласачи има во Липково, каде во апсолутни бројки гласале само 457 луѓе или 1.76%.
Гласањето трае до 19 часот.