Турскиот претседател Реџеп Таип Ердоган во телефонски разговор со рускиот претседател Владимир Путин изјави дека Турција е подготвена да ја подобри соработката со Русија во борбата против тероризмот, сфаќајќи ја неопходноста од спротивставување на сите негови форми и манифестации без исклучок, се вели во денешното соопштение за печатот од Кабинетот на турскиот лидер.
-Нашиот претседател Ердоган телефонски разговараше со рускиот претседател Владимир Путин. Тој најостро го осуди чинот на терор врз невини луѓе и изрази сочувство до рускиот претседател и народот на Русија за терористичкиот напад во Москва“, се вели во соопштението од кабинетот на турскиот претседател, пренесува ТАСС.
Се известува дека Ердоган за време на разговорот рекол дека нападот во Москва покажал дека регионалната криза треба да се заврши мирно, што е можно поскоро.