Повеќе од половина од луѓето во Велика Британија виделе теории на заговор на социјалните мрежи за отсуството на Кејт Мидлтон од јавниот живот, но тоа не ја нарушило довербата на јавноста во кралското семејство, покажуваат анкетите на YouGov.
Анкетата покажува дека 51 отсто од луѓето на интернет виделе дискусии за теории за нејзиното отсуство, додека 44 отсто велат дека не, а 5 отсто од испитаниците велат дека тоа не е сигурно.
„Katespiracies“ (заговори за Кејт) на социјалните мрежи варираат од тврдења дека таа се опоравува од „бразилското подигнување на глутесот“ до дека е во кома, теорија што ја изнесе еден новинар на шпанската телевизија.
Некои се пошегуваа дека таа била натпреварувачка во телевизиското шоу „Маскираната пејачка“ или дека била исфрлена од кралското семејство.
Други теоретичари на заговор, како што тврди „Дејли мејл“, ги користеле социјалните мрежи за да ја наклеветат принцезата, а дури и американската старлета Ким Кардашијан објавила слика со опис „На пат да ја најдам Кејт“.
Кејт се појави во јавноста откако претходно упати јавно извинување за ретушираната фотографија која беше објавена на Денот на мајката, што исто така предизвика бес и разни теории на заговор во медиумите и на интернет.
Според Sky News, кралското семејство сепак ја задржало довербата на жителите на Велика Британија.
Девет отсто од анкетираните велат дека помалку и веруваат на принцезата од Велс бидејќи таа отсуствува од јавниот живот, но исто толку и веруваат повеќе од порано.
Многу повеќе испитаници, 68 отсто, тврдат дека нивното мислење не е променето во последните месеци.
Во текот на викендот, принцот и принцезата од Велс беа видени како купуваат во продавница на помалку од еден километар од нивната резиденција во близина на замокот Виндзор.
Би-би-си јавува дека Вилијам денеска ќе ги посети иницијативите за домување во Шефилд за да ја промовира својата кампања против бездомништвото, но без Кејт, која ќе се врати на јавните обврски по велигденските празници.