Поради лизгање на земјиштето во град во североисточната кинеска провинција Јунан, најмалку 47 лица се прогласени за исчезнати, а во моментов се во тек спасувачките операции, објавија утринава кинеските државни медиуми.
Свлечиштето се случило рано утрото во градот Жаотонг, а претставници на локалната власт испратиле тим за одговор при итни случаи, објави „Пиплс Дејли“. Повеќе од 500 луѓе беа евакуирани. Не е јасно што го предизвикало одронот.
Јунан, во југозападна Кина, е една од неколкуте провинции во јужниот регион на земјата која моментално се соочува со студен бран со температури близу или под нулата, според Националниот метеоролошки центар.