Косовската полиција од утрово го претресува имотот на Милан Радоичиќ, поранешниот потпретседател на Српската листа.
Косовскиот министер за полиција Џељаљ Свечља објави видео од внатрешноста на вилата на Радоичиќ на брегот на езерото Газиводе, нарекувајќи го како Пабло Ескобар од регионот.
„Дури и од сликите што може да се видат, очигледно е дека не се работи за некој „борец за слобода“, туку за Пабло Ескобар од регионот. Под маската на бранителите на граѓаните, тој и неговите соработници станаа мултимилионери на сметка на законот, државата и другите граѓани.Затоа потребно е местото на злосторството сите овие години на северот на земјата да се истражи заедно со сиот имот на терористичката група“, напиша косовскиот министер.
Радоичиќ, признавајќи дека самиот го организирал востанието, рече дека е подготвен да одговори на поканите на српските државни органи, изјави адвокатот кој вели дека нема простор за водење каква било постапка против Радоичиќ и другите Срби бидејќи, според Српскиот Устав, „Косово и Метохија е составен дел“ на државата, а на северот на Косово престојуваат „вооружени специјални единици на косовската полиција, кои не смеат да бидат таму според Договорот од Брисел“ од 2013 година.
Косовските власти го обвинија Радоичиќ дека е организатор и учесник во вооружениот напад, кој го окарактеризираа како терористички чин. Претходно го поврзуваа со криминални активности, а во декември 2021 година САД го ставија на црна листа поради сомневања за организиран криминал и корупција.
Српскиот претседател Александар Вучиќ денеска во интервју за шпанската национална телевизија ТВ Еспанола изјави дека Радоичиќ поднел оставка затоа што „не сака дополнително да и наштети на Српската листа“. Според порталот Еуроњуз Србија, тој рекол дека Српската листа ја гледа како „борци за слобода“ и дека сите Срби кои живеат на Косово го мислат истото.
„Не знам дали тоа што се случи беше пресвртница. Многу сум загрижен бидејќи знам колку се агресивни (премиерот) Албин Курти и (претседателката на Косово) Вјоса Османи. Особено кога веруваат дека имаат голема поддршка од дел од меѓународната заедница, а тоа ме загрижува и плаши, изјави Вучиќ.
Косовската полиција претходно денеска изврши претрес во зградата во која живее Радоичиќ во северниот дел на Косовска Митровица.
Истовремено, приштинските портали објавија видеа од луксузна вила покрај езерото Газоводе на северот на Косово, за која косовската министерка Џела Свецла тврди дека е на Радоичиќ.
Српската листа, која ја поддржува официјален Белград, не ја коментираа оставката на Радоичиќ.