Бројот на загинати се искачи на 36 во жестоката бура во јужен Бразил, која предизвика поплави во неколку градови, соопштија властите.
Околу 60 градови беа погодени од невремето, кое беше класифицирано како екстратропски циклон, изјави гувернерот на Рио Гранде до Сул, Едуардо Леите. И блиските градови како Лаједо и Рока Салес беа сериозно погодени.
Рио Гранде до Сул и понатаму е во состојба на тревога од поплави. Поплавите во таа држава се само најновата природна катастрофа во Бразил.
Повеќе од 50 луѓе загинаа оваа година во државата Сао Паоло, откако обилните дождови предизвикаа лизгање на земјиштето и поплави.
least 22 people have died as a result of a severe storm in Brazil
In the country, 66 cities were affected by the hurricane. Powerful storms broke out in the south of Brazil – since Monday there were heavy rains and raging winds, as a result of which rivers overflowed their… pic.twitter.com/B8aTcyeflE
— Sprinter (@Sprinter99800) September 7, 2023
Градот Петрополис од колонијалната ера во близина на Рио де Жанеиро и државата Баија претрпеа слична катастрофа, како и Санта Катарина, соседна држава Рио Гранде до Сул. 74-годишен работник во пилана, кој избега од поплавата во Муцум, изјави дека ништо не може да се спаси.
„Кога доаѓаше водата, истрчав на патот“, објасни тој. „Мораш да избегаш. Ако останеш таму, ќе умреш“.
Претседателот Луис Инасио Лула да Силва рече дека разговарал со гувернерот на Рио Гранде за да понуди целосна поддршка од федералната влада.
Лула испрати двајца министри да ги надгледуваат напорите за пребарување и спасување и рече дека и бразилскиот потпретседател Гералдо Алкмин ќе биде „во подготвеност“ за да отпатува во тешко погодените делови со околу 11 милиони луѓе.