Шведскиот фудбалер Златан Ибрахимовиќ синоќа испиша историја во италијанската Серија А откако стана највозрасниот играч кој постигнал гол.
На натпреварот против Удинезе, Ибрахимовиќ најпрво промаши пенал, кој потоа го повтори, а во вториот обид 41-годишниот фудбалер беше успешен и погоди за 1:1, со што влезе во историјата на Серија А.
Тој стана најстариот стрелец во ова натпреварување, а голот го постигна на 41 година и 166 дена.
Претходно рекордот го држеше Алесандро Костакурта, кој се запиша во листата на најдобри стрелци кога имаше 41 година и 25 дена, во мај 2007 година.
Сепак, Милан на овој натпревар не се прослави и иако Ибрахимовиќ ги врати во игра, набрзо прими втор гол, а потоа и трет, со што загуби секоја шанса да избегне пораз.