Хрватска започна со специјална операција преку која праќа 14 транспортни хеликоптери во Украина.
Од нивниот состав издвоени се 12 хеликоптери MI 8 MTV-1 и два хеликоптери MI 8 T, кои почнале да ги подготвуваат за транспорт, пренесе „Јутарњи лист“.
Според достапните информации, неколку хеликоптери се наоѓаат во просториите на Воздухопловниот технички центар во Велика Горица, каде вработените ги извршуваат сите неопходни технички подготовки.
Некои од хеликоптерите се во хангарите, а во моментот два се надвор.