Мухамед Енес (17) и неговиот брат Абдулбаки (20) беа извлечени од урнатините во Турција, 198 часа по разорниот земјотрес.
Спасувачките екипи утринава ги извлекле браќата од урнатините во Кахраманмарас, но засега не се знае во каква состојба се.
Спасувачките тимови од повеќе од 70 земји се во Турција, кои работат дење и ноќе за да најдат преживеани.
Со оглед на тоа што поминаа повеќе од седум дена од разорните земјотреси, секое извлекување од урнатините се смета за чудо.
Најмалку 19.300 жртви од земјотресот се згрижени во болниците во Турција, соопшти Министерството за здравство на земјата.
Бројот на загинати во земјотресот со јачина од 7,8 степени според Рихтеровата скала што ги погоди Турција и Сирија пред една недела надмина 36.000, а десетици илјади луѓе се повредени, соопштија денеска властите.