АктуелноСвет

Загина 14-годишно момче во нередите по мечот меѓу Франција и Мароко

Од Triling Mk 157

Француската фудбалска репрезентација ќе го брани светскиот трон по пласманот во финалето на Светското првенство во Катар со победата од 2:0 над Мароко.

Сепак, тажна вест доаѓа од земјата на „галските петли“ бидејќи момче (14) настрада во Монпелје во судир меѓу навивачи на репрезентациите по натпреварот.

Според „Дејли мејл“, момчето било дел од мароканските навивачи кои се обиделе да го скинат француското знаме од автомобил.

Возачот згазнал на плин, се свртел да побегне од групата и го удрил момчето.

Локалната влада во соопштението соопшти дека младиот човек бил „насилно удрен“ од автомобил во градот во јужниот дел на Франција во средата.

Тој бил пренесен во болница, но починал набргу по пристигнувањето.