Папата Франциск денеска „го замоли” рускиот претседател Владимир Путин „да ја запре спиралата на насилство” во Украина и изрази длабоко жалење за анексијата на украинските региони, што е „спротивно на меѓународното право”.
Од плоштадот Свети Петар во Ватикан, папата му се обрати на рускиот претседател молејќи го „меѓу другото, од љубов кон сопствениот народ да престане со оваа спирала на насилство и смрт”.
За првпат од почетокот на конфликтот во Украина, на 24 февруари, папата Франциск во свој говор експлицитно го спомена рускиот претседател.