Медиумите во Полска денеска објавија дека меѓу 12-те загинати Полјаци во автобуската несреќа имало тројца свештеници и шест калуѓерки. Останатите биле аџии кои оделе во посета на светото место Меѓугорје.
Со кран беше извлечен полскиот автобус на автопатот А4 кој пропадна во каналот покрај патот. Истрагата е завршена, а сообраќајот на автопатот е нормализиран.
Предниот дел на автобусот е згмечен, возачите и патниците во предниот дел на возилото најмногу настрадале.
Ова е видео од автобусот на само 7 минути пред кобната несреќа:
Poljski autobus samo nekoliko minuta pre stravične nesreće! pic.twitter.com/Lfc9FKYXVu
— Malagaravaa (@vaskekopirinac) August 6, 2022
„Полските служби, вклучително и инспекцијата за патен транспорт, работат на утврдување на причините за несреќата.
Автобусот со аџии тргнал од Варшава вчера наутро, а во Меѓугорје требало да пристигнат во раните попладневни часови.
Во тешката сообраќајна несреќа животот го загубија 12 лица, 19 се тешко повредени, а 13 полесно.