Од наредната недела почнува вакцинацијата против сезонски грип

Почнува пријавувањето во системот „Мој термин“ за вакцинација против сезонски грип, а имунизацијата се очекува да стартува без одложување од наредната недела. Здравствените власти најавуваат дека прво ќе бидат опфатени најризичните категории, додека паралелно се работи на обезбедување дополнителни количини вакцини.

Првите 30 илјади вакцини против сезонски грип веќе пристигнале во земјава, а до 15 ноември се очекуваат уште 26 илјади дози, објави 4news.mk Според најавите, вакцинацијата треба да почне веднаш штом започне организацијата на терен, при што приоритет ќе имаат граѓаните од ризичните групи.

Од здравствените власти велат дека целта е да се обезбедат вкупно 80 илјади дози.