-Mора да бидеме на висината на задачата и да се побара одговорноста сега, веднаш и за овој период. Оваа несреќа се случи на 16 март и тука треба да се гледаат сите аспекти и сите одговорности коишто ги имаме.
-Многу важно прашање е зошто ако е контролата за малолетници, таа не започнува пред 24 часот кога и треба да се утврди дали постојат малолетници, туку започнува, според кажувањата на официјалните лица, пет или десет минути пред настанувањето на трагедијата.
-Се отвораат прашањата зошто ниту еден кој бил задолжен да ги прави проценките во делот на безбедноста, да се направи планот за проценка на ризик тоа не го направил.
-Сега имаме случај со еден телохранител на актуелен претседател на Влада. Тука веќе се поставува прашањето и за безбедноста на самиот претседател на Владата, на безбедноста на целиот тој систем, но клучното и најважното прашање не е само за тргувањето со тие документи кој тоа директно го направил. Вистинското прашање е од каде се тие документи и кој му ги дал за да бидат доставени до одредени криминални групи.
-Факт е дека секогаш кога ВМРО-ДПМНЕ е на власт, луѓето во шестата управа, оние кои се во непосредно опкружување на одредени функционери имале и соодветна заштита.
-Во 2009 година кога ВМРО-ДПМНЕ е на власт се менува Закон за угостителска дејност во којшто се намалуваат критериумите за минимално-техничките услови на вакви објекти. За тоа да не е до крај либерално како што некој го посакувал, повторно во 2012 година уште се намалуваат тие критериуми и само сопственикот на објектот под полна материјална и кривична одговорност може да гарантира дека тој објект ги исполнува условите.
„Последнава година имаме работење без лиценца на дискотеката „Пулс“, а верувајте такви сигурно има уште повеќе кои овој временски период работеле без неа“, изјави во „Трилинг“, поранешниот министер за внатрешни работи Оливер Спасовски.
Тој додаде дека во времето кога тој бил министер имало оперативни акции како „Безбеден град“ и „Безбедно лето“ кога се преземале низа на мерки коишто значеле контрола од аспект на МВР.
„Тоа не е надлежност на МВР во врска со лиценци и нивното издавање, меѓутоа за јавниот ред и мир, за она што е потребно да го исполнуваат во однос на сообраќајните елаборати и тн., таквите контроли беа постојано правени. Но сега мора да бидеме на висината на задачата и да се побара одговорноста сега, веднаш и за овој период. Оваа несреќа се случи на 16 март и тука треба да се гледаат сите аспекти и сите одговорности коишто ги имаме.
-Главната одговорност, додава Спасовски, треба да ја даде една истрага којашто нема да биде селективна, истрага којашто ќе биде транспарентна и главната одговорност мора да биде насочена кон утврдување на фактите, односно на каузалната поврзаност во однос на несреќата и токму заради тоа сметам дека, до сега барем, сосема е јасно дека ниту еден актуелен носител на функција, на позиција, нема утврдено одговорност или нема повикано да се изјасни во однос на неговата одговорност вклучувајќи го тука актуелниот градоначалник на Кочани.
-Од аспект на безбедноста пропусти има во МВР, заради тоа што ако вие имате план за една контрола на малолетници и тргување со опојни материи во таа дискотека, за таа вечер, тоа подразбира дека знаете како институција дека таа дискотека функционира. Многу важно прашање е зошто ако е контролата за малолетници таа не започнува пред 24 часот кога и треба да се утврди дали постојат малолетници, туку започнува, според кажувањата на официјалните лица, пет или десет минути пред настанувањето на трагедијата.
-Се отвораат прашањата зошто ниту еден кој бил задолжен да ги прави проценките во делот на безбедноста, да се направи планот за проценка на ризик тоа не го направил.
-Се поставува и прашањето зошто ако внатре имало полициски службеници не ја прекинале забавата, не се постапувало по планот којшто го имале за контрола и тн. Доколку таа забава била прекината, очигледно дека немало да се случи ова што се случи.
-Така што постојат низа на прашања коишто се отворени во овој момент и навистина посакувам да низ таа транспарентна истрага се утврди одговорноста на секој еден. Но сега и во овој момент, а не да бараме одговорности кај некои пред 10, 12 години, туку да бараме во моментот кога се случила несреќата“, вели Спасовски.
На прашањето за тоа како успеа мафијата да се инфилтрира во МВР, луѓе од обезбедувањето на премиерот Мицкоски да бидат спојна жичка со криминални банди, Спасовски потсети на неколку факти кои, како што вели, многу лесно даваат одговор на ова прашање.
„Се сеќавате на еден кој од опкружувањето на Мицкоски или од обезбедувањето додека беше лидер на опозицијата нападна службено лице при контрола на дрога во еден скопски објект. Кога таквото постапување беше санкционирано, односно поведени беа сите постапки за на крај таквите постапки да немаат епилог, туку беше ослободен и од дисциплинска одговорност, а сега според информациите дури напредува во службата.
-Сега имаме случај со еден телохранител на актуелен претседател на Влада. Тука веќе се поставува прашањето и за безбедноста на самиот претседател на Владата, на безбедноста на целиот тој систем, но клучното и најважното прашање не е само за тргувањето со тие документи кој тоа директно го направил. Вистинското прашање е од каде се тие документи и кој му ги дал за да бидат доставени до одредени криминални групи“, вели Спасовски.
Тој смета дека на ова поле мора многу жестоко да се работи и не смее да има толеранција.
За тоа кои би можеле да бидат луѓето во МВР кои оддавале информации и дали всушност луѓето во шестата управа се „заштитени мечки“, Спасовски вели дека на ова прашање одговор мора да дадат институциите и Јавното обвинителство.
„Затоа јас го поставив клучното прашање кое треба да биде одговорено, а тоа е кој ги дал документите за да можат тие да бидат злоупотребени. Инаку, никој во ниту еден момент не смее да биде заштитен. Факт е дека секогаш кога ВМРО-ДПМНЕ е на власт, луѓето во шестата управа, оние кои се во непосредно опкружување на одредени функционери имале и соодветна заштита“, додава Спасовски.
Поранешниот министер за внатрешни работи и координатор на пратеничката група на СДСМ вели дека не е точно дека во време на СДСМ се забошотиле случаите како „Модуларна болница“, „Дурмо турс“, „Беса транс“ и дека за тоа никој не одговорал.
„За сите овие случаи се водат или се завршени судски постапки. Имаме и осудени лица. Некои се и правосилно, некои и во прв степен. Тоа самото по себе демантира било какви наоди дека никогаш не се воделе никакви постапки или никој не носел одговорност. За еден од случаите се водеше или се води постапка и во соседна Бугарија, таму каде што се случи делото.
-Но тоа е помалку важно. Најважно е сега да се даде одговорот на прашањето за смртта на тие 60 млади животи во Кочани и второто прашање дали и како сме извлекле поука да се подобри системот, тој систем на којшто ние сите се повикуваме и за којшто јас сум длабоко убеден дека тој нема да се смени само со законски измени“, вели Спасовски и додава дека системската корупција влече корени од многу порано.
„Не само во независна и суверена Македонија. Кога зборуваме за системска или било каква друга корупција не треба само флоскули од типот дека секој од нас ќе се бори против неа, туку генерално да се воспоставува еден поинаков систем. Тука мислам и на системот на образование кој можеби сите ние го занемаруваме, но нарушувањето на системот на образование доведува до овие нус појави кои ни се случуваат, затоа што градбата, пред сѐна секоја личност е во образовните институции.
На прашањето дали го познава газдата на „Пулс“ Дејан Јованов – Деко, поранешниот министер за внатрешни работи, Спасовски, вели дека ниту го познава, ниту имал потреба да го познава. Тој смета дека таквите релации и врски коишто се воспоставуваат покажува дека не се сака функционален систем.
„Што е важно дали е Дејан, Оливер или Горазд. Или ќе бидеме сите исти и еднакви пред законот или ќе имаме вакви случаи.
-За клубот „Пулс“ има соодветни документи кои покажуваат се – кога функционирал, како функционирал, кога бил со легални лиценци, кога не бил. Да ги отвориме сите такви видови на објекти и во Скопје, Куманово, Битола, Прилеп…, но тоа не е важно, важно е да направивме систем којшто никогаш повеќе нема да дозволи да имаме таков клуб.
-Во 2009 година кога ВМРО-ДПМНЕ е на власт се менува Закон за угостителска дејност во којшто се намалуваат критериумите за минимално-техничките услови на вакви објекти. За тоа да не е до крај либерално како што некој го посакувал, повторно во 2012 година уште се намалуваат тие критериуми и само сопственикот на објектот под полна материјална и кривична одговорност може да гарантира дека тој објект ги исполнува условите, вели Спасовски.
Целото интервју со координаторот на пратеничката група на СДСМ и поранешен министер за внатрешни работи Оливер Спасовски, погледнете го во видеото.