Затворени маркети, аптека и големи увозници поради непочитување на владините мерки за маржите

Поради непочитување на владините мерки за маржите, осум правни субјекти од кои три маркети, аптека и тројца големи увозници на овошје и на зеленчук биле затворени на 15 дена, соопшти директорот на Државен пазарен инспекторат Влатко Стојкоски.

„Исто така се работи на уште 30 предмети во кои се опфатени сите големи марките. Инспекторите постојано се на терен, и ќе продолжиме да спроведуваме контроли“, рече Стојкоски, кој кажа дека негова генерална оценка е дека мерките на Владата се почитуваат.

Од 24 февруари до 6 март се извршени 365 надзори во трговијата на мало и 64 во трговијата на големо со што се опфатени над илјада малопродажни и големопродажни места. Притоа се констатирани вкупно 36 неправилности и се издадени прекршочни платни налози од 42 000 евра.