Медиуми: Трамп планира депортација на 240.000 Украинци
Одлуката, која треба официјално да биде објавена во април, е дел од пошироката стратегија на Трамп за укинување на привремените хуманитарни програми од времето на претседателот Џо Бајден. Според истите извори, на удар ќе бидат и 530.000 мигранти од Куба, Хаити, Никарагва и Венецуела, кои исто така може да бидат депортирани по забрзана постапка.
Администрацијата на американскиот претседател Доналд Трамп планира да го укине привремениот правен статус на 240.000 Украинци кои избегаа во САД по руската инвазија, пренесуваат американските медиуми, повикувајќи се на високи функционери и извори запознаени со планот.
Одлуката, која треба официјално да биде објавена во април, е дел од пошироката стратегија на Трамп за укинување на привремените хуманитарни програми од времето на претседателот Џо Бајден. Според истите извори, на удар ќе бидат и 530.000 мигранти од Куба, Хаити, Никарагва и Венецуела, кои исто така може да бидат депортирани по забрзана постапка.
Американската имиграциска и царинска служба веќе испрати интерно известување во кое се наведува дека мигрантите кои влегле во земјата преку овие хуманитарни програми немаат заштита од депортација.
Покрај Украинците, потенцијално погодени се и 70.000 Авганистанци кои пристигнаа во САД по повлекувањето на американските трупи од Авганистан, како и уште околу еден милион мигранти кои добиле дозвола за привремен влез преку разни програми за обединување на семејства.