Може да се соочиме со нередовно водоснабдување – се бара поевтина струја од ЕСМ

Населението на територијата на цела република може да се соочи со недостиг на вода за пиење, затоа што Јавните комунални претпријатија немаат пари да платат струја по сегашните тарифи. Бараат од ЕСМ стујата да им се продава по цена по која ова државно претпријатие ја продава на универзалниот стабдувач.

Деведесет Јавни комунални претпријатија, преку АДКОМ-Здружение за даватели на комунални услуги, со дописи до Владата, Регулаторната комисија за водни услуги и услуги за управување со отпад и Министерство за енергетика упатија барање за повластена цена на електричната енергија за Јавните комунални претпријатија.

Овие претпријатија се најголеми чувари на здравјето на луѓето и заштитници на животната средина и затоа треба да имаат посебен статус. Нивното функционирање има за цел за граѓаните да обезбеди здрава вода за пиење и чиста и еколошка животна средина.

Енергетската криза во 2022 година предизвика хаос, отежнување на работата и затвораье на многу препријатија. Jавните комунални претпријатија и покрај сите потешкотии и загуби кои беа направени во тој период па се до денес, остануваат да работат во интерес на граѓаните. До кога не се знае…..

Финансиската импликација на енормно високата цена на електричната енергија е застрашувачка во однос на тековното работење на претпријатијата.

Помалку од 10% од струјата што ја трошат претпријатијата отпаѓа на административни објекти, а повеќе од 90% од потрошената електрична енергија го опфака работењето на пумпните станици за питка вода, атмосферските и фекалните пумпни станици и на пречистителните станици за отпадни води.

Јавните комунални претпријатија сметаат дека во интерес на нивната ликвидност, а со тоа и во интерес на граганите е да плаќаат струја по единствена цена за киловат час.

Заради нормално функционирање и снабдување со електрична енергија бараме JКП да склучуваат договор за снабдуванье со електрична енергија со ЕСМ по цена по која ЕСМ Продажба ДООЕЛ, Скопе, jа продава на универзалниот снабдувач со електрична енергија, која служи за снабдуванье на населението односно домаќинствата и малите потрошувачи.

За истакнување е дека ЈКП на годишно ниво трошат до 50 GWh електрична енергија, што е само 1% од производството од домашни извори кое изнесува минимум 5.000 GWh на годишно ниво. Податоците се од официјални државни извори.
Доколку не се преземат соодветни мерки може да се очекува нередовно водоснабдување на населението и пречистување на отпадните води, што во крајна линија ќе го загрози здравјето на населението во целата држава и ќе прдизвика несогледливи еколошки проблеми.

АДКОМ и 90 Јавни комунални претпријатија очекуваат и апелираат надлежните да ја разберат неопходноста и итноста на носење на ваква одлука, која е од интерес на сите.