Самарас исфрлен од неговата Нова демократија, поради изјавите за „смирување“ на Турција

Откако ја критикуваше владата за нејзиниот пристап кон односите со Турција, поранешниот грчки премиер Андонис Самарас, неговата партијата, Нова демократија, го исклучи. Веста. вчера ја објави грчката влада.

Самарас, како тврдокорен конзервативец беше премиер од 2012 до 2015 година, и тогаш ја обвинуваше администрацијата на премиерот Киријакос Мицотакис дека е премногу помирлива во разговорите со Турција, наречени „мирни води“.

Тој дури повика и на разрешување на министерот за надворешни работи, тврдејќи дека капитулирал пред турските барања.

Во интервју за грчкиот весник „То Вима“, Самарас рече: „Постојаното смирување на турските предизвици не е центристичка политика… Оние кои изјавуваат дека во име на „пријателството и спокојството“ со Турција не им пречи „да се означено како смирувач, мора да се испрати дома“.

Владиниот портпарол Павлос Маринакис рече дека Самарас „го изразил своето целосно несогласување со целата актуелна владина политика“ и го обвини за искривување на изјавите на министерот за надворешни работи.

„Со своите коментари, Самарас се стави надвор од партијата Нова демократија“, рече Маринакис во изјавата, додавајќи: „Никој нема право да се коцка со стабилноста на земјата во овие немирни времиња“.

Грција и Турција имаат долга историја на тензии, вклучувајќи спорови за поморските граници, нарушување на воздушниот простор и поделба на Кипар.